Ministri gjerman i Transporteve vjen në Shqipëri për të firmosur marrëveshjen për njohjen e patentave

Zv.ministri gjerman në Ministrinë e Transportit dhe Infrastrukturës Digjitale, Oliver Luksic, do të vizitojë Tiranën në datën 11 dhe në datën 12 prill.

Sipas njoftimit të shpërndarë nga ambasada gjermane në Tiranë, bëhet me dije se pritet të firmoset marrëveshja për njohjen e patentave shqiptare në Gjermani.

Në njoftimin e bërë nga Ambasada gjermane thuhet se: “Z. Oliver Luksic, Sekretar Parlamentar i Shtetit, Zëvendësministër në Ministrinë Federale të Transportit dhe Infrastrukturës Digjitale, do të vizitojë Tiranën në datat 11 dhe 12 Prill.”

Gjithashtu, krahas bisedimeve për temat e lëvizshmërisë së qëndrueshme dhe tranzicionit energjetik në sektorin e transportit, në qendër të vizitës së tij është edhe nënshkrimi i një marrëveshjeje për njohjen reciproke të lejeve të drejtimit së bashku me Ministren e Infrastrukturës dhe Energjisë, znj. Belinda Balluku.

Së fundmi, mësohet se informacionet e mëtejshme mbi përmbajtjen e marrëveshjes do publikohen së shpejti në rrjete sociale.