Përplasjet mes Rusisë dhe Ukrainës kanë vazhduar edhe më të ashpra ditën e sotme. Në mediat e huaja bëhet me dije se, këtë mëngjes një bazë ushtarake në Brovary, një qytet afër Kievit, u godit nga raketat ruse, duke lënë gjashtë persona të vdekur. Në një postim në Twitter këtë mëngjes, Ministri i Punëve të Jashtme të Ukrainës Dmytro Kuleba dënoi sulmet e tmerrshme me raketa ruse në Kiev. Ai tha se këto sulme janë po aq të ashpra sa bombardimet ruse në vitin 1941.
“Hera e fundit që kryeqyteti ynë përjetoi diçka të tillë ishte në vitin 1941 kur u sulmua nga Gjermania naziste. Ukraina e mposhti atë të keqe dhe do ta mposhtë këtë të keqe. Ndaloni Putinin. Izoloni Rusinë. Shkëputni të gjitha lidhjet”, tha Kuleba.
Ndërkohë, Putin tregon se nuk ka ndërmend të ndalet madje ai ka paralajmëruar se pasojat do të jenë edhe më të rënda nëse do të ndërhyjnë shtete të tjera.
Discussion about this post