Skandali i zbuluar nga gazetarët investigativë lidhur me qindra zyrtarë të inkriminuar me korrupsionin në mbarë botën ka vënë në “pozitë” politikanët në Kosovë dhe Shqipëri. Presidenti i Serbisë, Aleksandër Vuçiç ka folur rreth këtij skandali në lidhje me disa emra të politikës dhe biznesit botëror.
Në emrat e publikuara Vuçiç nuk figuron por në të është një ministër i kabinetit të tij, Sinisa Mali. I pyetur në lidhje me emrin e tij Vuçiç tha se gazetarët mund t’i kërkojnë llogaritë e tij, por që ai nuk i ka ato.
“Unë nuk kam asnjë llogari dhe jetoj me ato çfarë kam punuar, për çfarë do të flitet në 50 ose 100 vjet,” theksoi Vuçiç.
Theksojmë se, në rrjedhën më të madhe të dokumenteve në histori, të pagëzuar si “Pandora Papers”, më shumë se 330 udhëheqës e ish-udhëheqës politikë identifikohen si përfitues të llogarive sekrete; mes të cilëve ish-kryeministri britanik Tony Blair, lideri çek Andrej Babis dhe bashkëpunëtorë të presidentit rus, Vladimir Putin.
