Ministri i Mbrojtjes, Aleksandër Vulin është shprehur se përgjimi i presidentit Aleksandër Vuçiç ka qenë i planifikuar dhe ka pasur qëllime të këqija.
Vulin deklaroi se ministria ia ka dorëzuar prokurorisë rastin me të gjitha provat dhe shtoi se është marrë në pyetje edhe ish-sekretarja e shtetit Dijana Hrkaloviç.
Vulin theksoi se presidenti Vuçiç nuk i përgjigjet askujt përveç serbëve dhe se ai është i vetmi burrë shteti në Evropë që tha se Serbia nuk do të jetë kurrë anëtare e NATO-s.
Në fund të 2020-ës, Vuçiç tha se është përgjuar nga shërbimet sekrete serbe dhe se autoritetet do të përcaktojnë nëse kanë patur apo jo lidhje me ato të huaja.
“Mendoj se e di kush qëndron pas saj, por nuk do të doja ta thoja publikisht. Përgjimi i Presidentit të shtetit është një përpjekje e drejtpërdrejtë për një grusht shteti”, u shpreh ai asokohe.
Discussion about this post