Ministri për Komunitete dhe Kthim në Qeverinë e Kosovës, Nenad Rashiç, ka thënë se ai si serb dhe familja e tij ndihen më të sigurt në Kosovë sesa në Serbi.
“Unë si serb dhe familja ime si serbe ndihemi më të sigurt në Kosovë sesa në Serbi”, ka thënë Rashiç.
Më pas ai ka cituar Oliver Ivanoviçin se “serbët në veri nuk e kanë asnjë problem me shqiptarët por kanë problem me Listën Serbe dhe me qeverinë në Beograd”.
Ditë më parë, Rashiq kishte thënë se Lista Serbe, është armikja më e madhe e serbëve lokalë në Kosovë, e cila sipas tij mbështetet nga partia e Aleksandar Vuçiçit në Serbi.
“Lista Serbe janë armiqtë më të mëdhenj të serbëve të Kosovës, zhvendosja më masive po ndodhin në kohën kur Lista Serbe është në pushtet. Lista Serbe është degë e SNS-it të Beogradit. Do kemi dëm të pariparueshëm…”, kishte thënë ai.
Ndërkohë duke komentuar zhvillimet e fundit në Kosovë, ai kishte hedhur akuza në drejtim të presidentit të Serbisë, Aleksandar Vuçiç, duke thënë se ai “nuk mund të thotë asnjë fjali pa gënjeshtra, insinuata dhe manipulime”.
Discussion about this post