Ministri i Administrimit dhe Pushtetit Lokal, Elbert Krasniqi, ka reaguar pasi në media u raportua se bashkë me katër ministra të tjerë dhe një zevendësministër po hetohen nga Task Forca anti-korrupsion.
Krasniqi ka thënë se sapo e ka kuptuar që është nën hetime, pasi deri më tani ka deklaruar se nuk është ftuar nga asnjë institucion hetues.
“Sapo e kuptova nga portali ‘Betimi për Drejtësinë’, që qenkam nën hetime. Deri më tani nuk kam qenë në dijeni e as që jam ftuar nga ndonjë institucion hetues”, ka shkruar ministri në Facebook.
Ajo për të cilën ka thënë se është i sigurt është që “për herë të parë komunitetet po mbështeten seriozisht nga Qeveria”.
“Ligji, transparenca dhe puna e ndershëm është baza e çdo vendimi tim. Mbesim të përkushtuar për të përmirësuar kushtet e jetesës së qytetarëve e në veçanti atyre që kanë më së shumti nevojë”, ka përfunduar Krasniqi.
https://www.facebook.com/elbertkrasniqimapl/posts/761539739312590?ref=embed_post
Discussion about this post