Ministri rus: Sanksionet kanë mbyllur të gjitha korridoret për tregtinë

Ministri rus i Transportit Vitaly Savelyev ka deklaruar sot për median ruse TASS se sanksionet e Perëndimit kundër Rusisë kanë shkelur praktikisht të gjitha korridoret logjistike të përdorura nga vendi për tregti.

“Sanksionet që janë vendosur sot ndaj Federatës Ruse kanë thyer praktikisht të gjitha [korridoret] logjistike në vendin tonë. Dhe ne jemi të detyruar të kërkojmë korridoret e reja logjistike së bashku”, tha Savelyev duke folur gjatë një vizite në rajonin e Astrakanit të Rusisë.

Savelyev tha se Moska po kërkon të përfitojë nga rrugët tregtare alternative, siç është korridori Ndërkombëtar i Transportit Veri-Jug (INSTC) një rrugë tranziti që lidh Indinë me vendet e Azisë Qendrore, Rusinë dhe Europën përmes Iranit./ TASS