Ministri serb: Rreziku i vrasjes së Vuçiç mbetet i lartë, për së kohë sa….

Në një prononcim për mediat Ministri i Punëve të Brendshme në Serbi Aleksandër Vulin ka dhënë një deklaratë të fortë. Ai ka thënë se  ende ekziston rreziku i vrasjes së presidentit, Aleksandër Vuçiç. Sipas tij, për sa kohë shtetasi malazez Radoje Zvicer është ende i lirë, vrasje e Vuçiçit është e mundur. “Përderisa Radoje Zvicer është i lirë, vrasja e Vuçiçit është e mundur. Ne nuk e dimë se kush qëndron pas klaneve dhe derisa kjo të zbulohet, kërcënimi për jetën e presidentit rritet çdo ditë”, ka thënë ai.

Po ashtu Vulin është shprehur se në rastin e klanit Veljko Belivuk është vërtetuar aktakuza për shtatë vrasje. “Një nga të pandehurit ka pranuar se ka vrarë pesë persona dhe do të ketë më shumë viktima, jam i sigurt për këtë. Sa i përket policisë, ne e bëmë punën tonë”, theksoi ai.

Radoje Zvicer konsiderohet një nga krerët e klanit Kavaç, i cili akuzohet për organizimin dhe urdhërimin e disa vrasjeve në territorin e Malit të Zi dhe vendeve të tjera.