Vetëm 7 orë nga nisja e finales së Kupës së Shqipërisë mes Skënderbeut dhe Vllaznisë, Ministria e Shëndetësisë dha lejen e posaçme për të lejuar një maksimum prej 1 mijë tifozësh në stadiumin “Air Albania” sot në orën 19:00.
Menjëherë FSHF nisi punën për të printuar biletat dhe për t’i nxjerrë në shitje në orën 14:30. Që para kësaj ore dhjetëra tifozë kanë zënë radhën në dyqanin zyrtar të Federatës për t’u bërë pronarë të biletave, duke treguar qartë interesimin e madh për këtë sfidë.
Federata Shqiptare e Futbollit ka përcaktuar çmimet e biletave për takimin Final të Kupës së Shqipërisë si më poshtë:
Tribuna Kryesore – 3 mijë Lekë
Tribuna për karshi – 1 mijë lekë
Tribuna pas Porte – 500 lekë
Biletat janë në shitje prej këtij momenti dhe mund ti blini në pikat e shitjes si më poshtë:
– Stadiumi “Selman Stermasi”
– Dyqani zyrtar i FSHF. ( Rr. Themistokli Gërmenji, përballë Ambasadës Amerikane)
