Fermerët e 13 fshatrave të zonës së Samaticës në Berat, të zonës së bashkisë Roskovec në Fier dhe të Lushnjes kanë vendosur përshkallëzimin e protestave.
Burime për Gijotina.com, shprehen se ndryshe nga hera e parë ku fermerët protestuan duke u grumbulluar në qendër të fshatit Samaricë, këtë herë, kanë vendosur të bllokojnë një rrugë kryesore, atë Berat – Lushnje në vendin e quajtur “Ura e Kuçit” ose segmentin e autostradës Lushnje – Fier në vendin e quajtur “Pushimi i shoferit”.
Protesta vjen pasi Ministria e Bujqësisë gënjeu fermerët kur iu premtoi se do të dërgonte përfaqësues për bisedime pasi fara e skaduar e domates Ozgan, iu prishi prodhimet. Ndonëse ka kaluar një javë, askush nga Ministria e Bujqësisë nuk shkoi të fliste nga afër me fermerët, duke bërë që këta të fundit të zhvillojnë një tjetër protestë.
Kryesia e fermerëve të serave ka vendosur që protesta do të zhvillohet këtë fundjavë, por ende nuk asnjë informacion për orën apo vendin.
