Ministria e Drejtësisë ka nisur zyrtarisht kërkesën për ekstradimin e shtetasit Durim Bami në autoritetet e Emirateve të Bashkuara Arabe.
Kërkesa e firmosur nga ministri i drejtësisë, Ulsi Manja, është përcjellë në rrugë shkresore dhe elektronike. Burime pranë Ministrisë së Drejtësisë bënë me dije se është marrë njoftim nga Ministria e Jashtme se kërkesa dhe dosja për shtetasin Bami janë marrë në dorëzim nga pala arabe. Durim Bami doli në bisedat e Sky teksa planifikonte vrasjen e Arben Ndokës, Tori Xheçukës dhe Erigers Mihasit.
Më herët, Prokuroria e Posaçme (SPAK) ka dorëzuar kërkesën në Ministrinë e Drejtësisë për ekstradimin e Durim Bamit.
Duhet theksuar se Shqipëria nuk ka një marrëveshje ekstradimi më Dubain, sjellja e tij drejt vendit tonë cilësohet i vështirë.
Edhe më herë, në këtë shtet ka pasur ndalime të disa personave të shpallur në kërkim nga autoritetet shqiptare. Megjithatë, sipas ekspertëve të fushës, ekstradimi i tyre është i vështirë për shkak të një mungese ekstradimi me dy vendeve.
I vetmi i ekstraduar nga Dubai është Bruno Çobo – në mars të këtij viti, i cili akuzohet se bashkë me 16 të tjerë ka mashtruar shtetas italianë nëpërmjet “call center”, në shumën 4.7 milionë euro. Megjithatë rasti i tij ishte i veçante, pasi siç u shpreh publikisht avokati i Çobos, klienti i tij kishte kërkuar vetë që të dorëzohej te autoritetet shqiptare.
Ministri i Brendshëm, Taulant Balla ka premtuar disa herë se do të kryhet ekstradimi i të arrestuarve në Dubai – që ka fituar reputacionin e një vendstrehimi të sigurt të personave në kërkim në drejtësia. Megjithatë, rasti specifik i Çobos mbetet i vetmi ekstradim deri më sot.
Pamundësinë e ekstradimeve nga Dubai e konsideroi si problematike edhe kreu i SPAK Altin Dumani, gjatë raportimit të fundit në komisionin parlamentar të ligjeve. Dumani tha problematika është konstatuar edhe në raportin e një viti dhe parë dhe theksoi se mbetet ende. “Numri i personave që janë në Dubai dhe janë në kërkim nga SPAK vijon të rritet, është një problematikë që duhet të gjejë zgjidhje”, shtoi ai.
Lexo edhe:
Si Bami organizoi hakmarrjen? Bashkoi forcat me Dukët, Doklen dhe armiqtë e Martinajt
Discussion about this post