Ministria e Drejtësisë ka dhënë një urdhër të ri në lidhje me sigurinë e jetës së punonjësve dhe drejtuesve të Burgjeve, të cilët marrin kërcënime. Vetëm pak ditë pas tentativës për arratisje që u shënua nga në burgun “313” nga të dënuarit Arbër Çekaj e Fatmir Pjetri.
Sipas urdhrit të Ministrisë së Drejtësisë, punonjësit e burgjeve apo eprorëve të tyre që u rrezikohet jeta nga kërcënimet e të burgosurve do të merren në mbrojtje për tre muaj. Në mbrojtje do të merret edhe familja e tyre. Policia e Shteti dhe Forcat Operacionale të Burgjeve do të jenë të angazhuarit për mbrojtjen e punonjësve të burgjeve dhe të familjeve të tyre.
Si mund të merret mbrojtja?
Vetë i kërcënuari duhet të bëjë një kërkesë në Ministrinë e Drejtësisë për të kërkuar mbrojtjen duke paraqitur dhe prova bindëse që të bindë autoritetet se është në rrezik. Kjo kërkesë do të shqyrtohet pas 24 orësh dhe punonjësi do të marrë përgjigjen për aprovimin e kësaj kërkese dhe do të urdhërohet mbrojtja e tij dhe e familjes. Nëse ndodh që i kërcënuari nuk e përfiton dot mbrojtjen pasi i refuzohet, mund edhe të ankohet në Gjykatë.
