Gjatë orëve të fundit në rrjetet sociale dhe mediat ndërkombëtare janë publikuar pamje të helikopterëve rus të rrëzuar pranë Kievit, ndërsa në disa rajone janë parë edhe tanke ruse të shkatërruar. Ministria e Mbrojtjes së Ukrainës ka publikuar detaje nga përballja me forcat ruse në territorin saj duke theksuar se janë duke ruajtur frontin.
Sipas të dhënave zyrtare, që prej orëve të para të mëngjesit forcat ukrainase kanë rrëzuar shtatë avionë të ndryshe, shtatë helikopterë, 24 tanke dhe 20 autoblinda.
Rusia deri më tani nuk ka publikuar të dhëna mbi sulmin ndaj Ukrainës. Aktualisht janë duke u zhvilluar luftime në veri të Kievit ku forcat ukrainase kanë kryer një kundërsulm ndaj rusëve pranë aeroportit të Hostomelit, i cili u mor gjatë orëve të mesditës.
Discussion about this post