Deputeti i partisë Demokratike, Dashnor Sula ka shpalosur ditën e sotme një banderolë ku janë listuar disa nga çmimet e produkteve të shportës në vendin tonë, duke i krahasuar me çmimet e para një viti. Në banderolën e deputetit ishte e dukshme rritja e çmimeve krahasuar me një vit më parë.
Shpalosja e banderolës është bërë gjatë fjalimit që po mbahej nga minsitrja e Ekonomisë dhe Financave, Delina Ibrahimaj e cila prezantoi një sërë masash që do të merren për përballimin e krizës në vend.
Mes të tjerash ajo tha se pavarësisht krizës, Shqipëria kishte pasur rritje të vendeve të reja të punës dhe se mbështetja për fermerët në buxhet kishte qenë më e lartë krahasuar me mbështetjen e viteve paraardhëse.
Discussion about this post