Kryeministri Edi Rama u tregua i prerë sot kur tha se Shqipërisë nuk mund ti japë askush leksione lidhur me minoritetet.
Në kushtet kur nga Greqia, ccështja e arrestimit të kryebashkiakut të zgjedhur të Himarës, Fredi Beleri, është trajtuar edhe si një goditje ndaj minoritetit, Rama ka shfrytëzuar nisjen e procesit të censusit, për të thënë se ndihet krenar për legjislacionin që Shqipëria ka për minoritetet.
“Një nga gjërat që më bën me shumë krenar është që Shqipëria ka legjislacionin për minoritetet. E bëmë pa na e kërkuar njeri. Jam shumë krenar për mënyrën si Shqipëria i ka integruar dhe si trajtohen të gjitha minoritetet”, tha Rama.
Më tej Rama tha se nuk ka asnjë njeri që të ankohet për diçka, për shkak se i përket një etniteti të caktuar.
“Dhe nëse ka probleme për dikë me një etnitet tjetër, janë njësoj për të gjithë, nuk ka një minoritar që të ngrihet dhe të thotë që kam një problem që lidhet me faktin që jam në një etni tjetër. Leksione për minoritetet, Shqipërisë nuk i jep dot askush, asnjë vend, zero!”, tha Rama.
Discussion about this post