Skënderbeu mposhti Flamurtarin me rezultatin 2-1 në miqësoren e zhvilluar në Korçë, ku nuk mungoi as tensioni, teksa protagonistë u bënë Trashi dhe Nikaj që u ndëshkuan me karton të kuq nga gjyqtari Jorgji, pas përplasjeve me njëri-tjetrin.
Interesant është fakti se të 3 golat u shënuan në pjesën e parë. Për ekipin e Gvozdenoviç realizoi dopietë talenti Ermir Rashica, ndërkohë që për Flamurtarin golin e vetëm e shënoi Beqja.
Pas përfundimit të sfidës, nëpërmjet një postimi në faqen zyrtare, klubi vlonjat, ka shprehur rezerva për golin e parë të shënuar nga Rashica, teksa nuk mungojnë dyshimet edhe për penalltinë te goli i dytë.
Discussion about this post