Një lojtar i rëndësishëm rrezikon miqësoret kundër Spanjës dhe Gjeorgjisë, më 26 dhe 29 mars. Bëhet fjalë për Amir Abrashin, i cili ka një problem muskulor dhe stafi mjekësor do të shikojë nëse mesfushori mund të luajë apo jo në këto dy ndeshje.
Trajneri Edoardo Reja dhe ekipi kanë zbarkuar në Gadishullin Iberik dhe po bëjnë seancën e parë stërvitore.
Në momentin e fundit me ekipin janë bashkuar edhe Broja, Laçi e Kumbulla, të cilët kanë zbritur menjëherë në stërvitje me pjesën tjetër të ekipit.
Sot ka pasur edhe dy ndryshime në listë. Nedim Bajrami ka humbur këto miqësore për shkak të një gjendjeje gripale, kurse Enea Mihaj ka dalë pozitiv me Covid-19. Në vend të tyre janë ftuar Endri Çekiçi dhe Herdi Prenga.
Discussion about this post