Kombëtarja e Shqipërisë është në një përballje miqësore ndaj Ukrainës, takim që ka nisur të luhet nga ora 20:45.
Trajneri Sylvinho ka bërë publike formacionin zyrtar, ku vërehet një lëvizje në repartin ofensiv. Nedim Bajrami e nis nga stoli, ndërsa vendin e tij në formacion e merr Armando Broja, i cili do të jetë titullar në sulm.
Ndërkohë, Anis Mehmeti nuk është përfshirë sërish në zgjedhjet e para të stafit teknik.
Në mbrojtje ka një ndryshim të detyruar, ku Bujar Pllana pritet të bëjë debutimin e tij, për shkak të mungesave të Arlind Ajeti dhe Ardian Ismajli, të cilët janë jashtë për arsye dëmtimi.
LIVE UKRAINË-SHQIPËRI 1-0
46′ Hutsuliak
46’ Shënojnë ukrainasit me gjuajtjen e parë në portë në pjesën e dytë! Pas një harkimi nga e majta, topi shkon në shtyllën e dytë ku Hutsuliak me kokë mposht Strakoshën. (VIDEO)
46’ Pjesa e dytë nis me Pilon dhe Mehmetin në fushë në vend të Brojës dhe Hoxhës.
46′ Nis pjesa e dytë!
45′ Mbyllet pjesa e parë në Valencia!
31’ Një harkim nga e djathta gjen Shaparenkon në zonë, gjuajtja e tij me kokë shkon lart mbi traversë.
29’ Malynovskyi tenton nga jashtë zonës, sfera nuk gjen portën e kuqezinjve.
25’ Broja nga e djathta merr topin mirë, i ikën mbulimit të mbrojtjes e më pas tenton të kalojë portierin por pa sukses.
24’ Voloshyn ka mundësinë e artë për të shënuar për ukrainasit, por gjuajtja e tij i vetëm në zonë devijohet nga Strakosha.
17′ Yaremchuk godet me kokë dhe tund rrjetën, por goli anulohet për pozicion të parregullt.
6’ Kuqezinjtë kanë mundësinë të rrezikojnë me një goditje këndi, por harkimi i Laçit në shtyllën e dytë është shumë i fortë.
4’ Yaremchuk gjen hapësirë në të majtën dhe gjuan nga jashtë zonës, Strakosha pret në pozicion.
1′ Nis sfida në Valencia!
gijotina.com/
Discussion about this post