Presidenti i Federatës Shqiptare të Futbollit, Armand Duka deklaroi se në muajin nëntor, kombëtarja do të përballet me Italinë në një ndeshje miqësore.
Në një intervistë për “Euronews Albania”, Duka bëri të ditur se ndeshja do të zhvillohet në “Air Albania”, por data mbetet ende për t’u vendosur.
“Ne kemi përcaktuar një ndeshje miqësore në nëntor kundër Italisë, nuk kemi përcaktuar datën, 16 ose 19 nëntor në Tiranë. Është hera e dytë që ne luajmë një miqësore me Italinë, pas një miqësoreje që kemi zhvilluar në Xhenova. Por në Tiranë është hera e parë.
Është një ndeshje vërtet e bukur, sepse pavarësisht se Italia nuk është pjesëmarrëse në kampionatin botëror, mbetet një skuadër dhe mbetet një skuadër që shqiptarët kanë dëshirë ta shohin”, theksoi Duka.
Ndër të tjera, Duka u shpreh se është i kënaqur me rezultatet që kombëtarja ka arritur në drejtimin e teknikut italian, Edi Reja.
Discussion about this post