Masimiliano Mirabeli, ish-drejtori sportiv i Milanit aktualisht në të njëjtën detyrë te Padova, foli për momentin e vështirë që po kalon ekipi i Stefano Piolit.
Mirabeli u shpreh për mediat në Itali se kjo krizë është normale dhe se tekniku nuk duhet të shkarkohet.
“Dëgjoj kritika për të dhe Maldinin për të cilat nuk jam dakord. Ata kanë bërë dhe po bëjnë një punë të madhe. Është normale që një ekip me kaq shumë djem të rinj të ketë një rënie, por duhet kujtuar se Milani është në Champions, teksa edhe kampionati është ende i gjatë e ofron mundësi për të rimarrë veten.
Unë nuk bëj pjesë tek ata që kritikojnë kuqezinjtë. Nuk mund të kalosh nga lartësimi i Piolit te ta quash atë paaftë. Personalisht shpresoj që klubi të mos e largojë”, tha Mirabeli.
Milani është në një situatë dhe humbja ndaj interit në derbi e ka rënduar akoma më shumë pozitën e Piolit në stolin kuqezi.
Discussion about this post