Është miratuar kontrata e qirasë me vlerë tepër të ulët, për koncesionin e ndërtimit të Portit turistik në Vlorë. Kështu bashkimit të kompanive të përbërë nga “Marina di Valona”, sh.p.k., me, “Brunes”, sh.p.k., “Ndregjoni”, sh.p.k., dhe “Marina Projects”, do t’i kalojnë me qira për vlerën 1 euro mbi 57 mijë metra katrorë pronë shtetërore, atje ku është sot porti i Vlorës, i cili do të kthehet në një port turistik.
Sipas dokumentit, afati i qirasë është 20-vjeçare, ndërsa koncesionari do të duhet të investojë rreth 98 milionë dollarë për projektin. Investimi do të duhet të përfundoje brenda 72 muajve nga data e marrjes në dorëzim të objektit dhe nxjerrjeve të lejeve përkatëse për punimet.
Ministrisa e Financave dhe Ekonomisë, përveç se po jep për privatizim tokë shtetërore, ajo thuajse po e falë atë me një çmim shumë të lirë. Ndërsa qytetarët vazhdojnë të paguajnë taksa të larta në këto zona.
“Këshilli i Ministrave vendos. Dhënien e miratimit për lidhjen e kontratës së qirasë, me tarifën 1 (një) euro/kontrata, ndërmjet Ministrisë së Financave dhe Ekonomisë, si qiradhënës, dhe Bashkimit të Shoqërive (JV), “Marina di Valona”, sh.p.k., me NUIS M01324008A, “Brunes”, sh.p.k., me NUIS K37125203H, “Ndregjoni”, sh.p.k., me NUIS K31329048I, dhe “Marina Projects” LTD, me numër regjistrimi 04182366, si qiramarrës, për pronën e paluajtshme shtetërore në zonën kadastrale nr.8602,
Bashkia Vlorë, pjesë e fondit të pasurive të paluajtshme për mbështetjen e investimeve strategjike, sipas dokumentacionit të pronësisë, plan vendosjes, listës së pasurive dhe tekstit të projekt kontratës, që i bashkëlidhen këtij vendimi” – thuhet në vendim.
Kjo është një metodë që përdor shpesh qeveria shqiptare, kur i duhet të privatizojë prona shtetërore.
