Ndryshimet ligjore për ndalimin e qeseve njëpërdorimshme janë votuar sot në Parlament. Me 80 vota pro, 26 kundër dhe 2 abstenim, Kuvendi miraton projektligjin, i cili parashikon ndalimin e përdorimit të qeseve plastike në Shqipëri.
Sipas këtij akti, ndalimi final i prodhimit apo hedhjes në treg të qeseve plastike është 1 qershori i këtij viti ku pas kësaj date, parashikohet ndalimi total i përdorimit të qeseve plastike.
Gjatë ditës së sotme ministrja e Turizmit dhe Mjedisit Mirela Kumbaro sqaroi se amendimet që propozohen synojnë ndalimin e tregtimit, prodhimit, importimit të qeseve plastike mbajtëse sipas përcaktimit të këtij ligji, me trashësi për çdo anë më të vogël se 70 mikron dhe me kapacitet mbajtës më të vogël se 10 kilogram.
Njëkohësisht parashikohen gjoba nga 1 deri në 1,5 milionë lekë për ata që tregtojnë, prodhojnë apo importojnë këto lloj qesesh.
Discussion about this post