Komisioni i Politikave të Jashtme ka miratuar projektligjin për transferimin e të burgosurve shqiptarë nga Britania dhe Irlanda e Veriut. E pranishme në Komision, zv. ministrja e Drejtësisë, Adea Pirdeni, e cila sqaroi si do të bëhet procedura dhe tregoi se kostot për transferta shkojnë 270 mijë lekë për të burgosurin dhe për shoqëruesin është 108 mijë lekë.
Më tutje, ajo tregoi se transferimi do të bëhet vetëm me pëlqimin e të dënuarit, apo kur ka vendim dëbimi si dhe duhet t’i kenë mbetur jo më pak se 6 muaj nga dënimi. “Vuajnë dënimin 1500 shtetas shqiptarë. Transferimi bëhet vetëm me vendim të formës së prerë. Pas vendimit të depërtimit mund të transferohet në Shqipëri, nëse autoritetet shqiptare bien dakord. Transferimi është një proces që kërkon vullnetin e të dy shteteve. Sipas marrëveshjes, shteti palë mund të vendosë të vazhdojë apo jo procesin. Kapacitet tona në burgje, aktualisht kemi një kapacitet akomodues kemi 385 vende të lira, por rezulton se një pjesë e këtyre posteve janë të reduktuara dhe në vlerësimin e fundit kemi 105 vende të lira në burgje.
Në Shqipëri ka një tren në rritje të personave që vuajnë dënimin. Do të merren parasysh një sërë faktorësh për të vendosur nëse sistemi i burgjeve është gati për të përballuar transferimin. 270 mijë lekë është kostoja e transferimit të personit të dënuar dhe 108 e punonjësit të policisë që do jetë shoqërues“, tha zv.ministrja, ndërsa theksoi se disa akte duhen parë edhe njëherë me vëmendje.
Discussion about this post