Miratohet rezoluta anti-korrupsion e PS-së, opozita bojkoton votimin

Miratohet me 76 vota pro dhe 2 kundër rezoluta antikorrupsion e PS! Opozita bojkoton

Pas më shumë se pesë orësh debat, Kuvendi votoi projektrezolutën e propozuar nga Partia Socialiste “për thellimin e reformave për mirëqeverisjen, sundimin e ligjit dhe anti-korrupsionin për Shqipërinë 2030 në Bashkimin Europian”.

Kuvendi ka miratuar me 72 vota pro, 2 kundër dhe asnjë abstenim rezolutën e propozuar nga PS për antikorrupsionin dhe mirëqeverisjen.

Kundër votuan Agron Shehaj dhe Dashnor Sula, ndërsa deputetët e tjerë të opozitës nuk morën pjesë në votim.

Projektrezoluta antikorrupsion e propozuar nga maxhoranca është shoqëruar me debate në Kuvend.

Opozitarët e quajnë fyese nga maxhoranca këtë projektrezolutë, pasi sipas tyre të korruptuarit nuk mund të luftojnë korrupsionin.

Gjatë votimit të rezolutës, ka pasur dhe një debat të ashpër mes kreut të grupit parlamentar të PD-së, Gazment Bardhi dhe Edi Ramës.

Bardhi i është drejtuar Ramës me fjalët: ‘Ti do të luftosh korrupsionin dhe krimin? Ti je mafioz. Je pronari o Arben Ndokës. Na e solle këtu dhe bashkë me të u shpallët si dashnorë të drejtësisë, ndërkohë që porosisnit vrasje’.