Pas Gjermanisë një tjetër vend do të njoh patentat shqiptare dhe ky vendim është miratuar sot nga Këshilli i Ministrave. Sipas vendimit të publikuar tashmë në Fletoren Zyrtare, Arabia Saudite do të lejojë shqiptarët që të lëvizin në vendin e saj me patentat e tyre.
“Në mbështetje të nenit 100 të Kushtetutës dhe të nenit 19, të ligjit nr.43/2016, “Për marrëveshjet ndërkombëtare në Republikën e Shqipërisë”, me propozimin e ministrit të Infrastrukturës dhe Energjisë, Këshilli i Ministrave Vendosi: Miratimin e marrëveshjes, ndërmjet Këshillit të Ministrave të Republikës së Shqipërisë dhe qeverisë së Mbretërisë së Arabisë Saudite, për njohjen e ndërsjellë të lejeve të drejtimit, sipas tekstit që i bashkëlidhet këtij vendimi”, thuhet në vendim.
Sakaq, bëhet e dije se ky vendim hyn në fuqi duke filluar që nga dita e sotme. Kujtojmë se pak ditë më parë edhe Gjermania bëri një hap të tillë për emigrantët shqiptarë atje.
Discussion about this post