Mirditë, përfshihet nga zjarri masivi pyjor në Orosh

Masivi pyjor i fshatit Shmri në Orosh të Mirditës është përfshirë nga zjarri.

Flakët janë shfaqur gjatë natës dhe janë përhapur në një sipërfaqe të madhe pyjore.

Nga strukturat e Mbrojtjes Civile të bashkisë Mirditë raportohet se në terren për fikjen e zjarrit janë të angazhuar 36 persona nga strukturat bashkiake, 6 nga shërbimi zjarrfikës, 10 forca bashkiake, 12 forca nga shërbimi pyjor, 8 forca nga njësia administrative, si dhe 30 efektivë të Forcave të Armatosura.

Operacioni për fikjen e zjarrit ka filluar herët sipas planit, me forcat bashkiake dhe pastaj dhe me efektivet e FA.

Terreni është i vështirë si pjerrësi, si dhe shumë i veshur me bimësi.