Mirditë, zetori del nga rruga, ndërron jetë drejtuesi

Një mjet bujqësor zetor ka dalë nga rruga ditën e sotme duke lënë të vdekur drejtuesin e tij. Ngjarja e rëndë ka ndodhur në fshatin Gëziq.
I pajetë ka mbetur personi me inicialet Robert Gjoka 56-vjeç i cili humbi kontrollin e mjetit dhe doli nga rruga, e për pasojë gjeti vdekjen. Grupi hetimor ndodhet në vendngjarje dhe po punon për sqarimin e plotë të shkakut dhe rrethanave të ngjarjes.

“Shtetasi R.Gj., 56 vjeç, duke drejtuar mjetin bujqësor zetor ka humbur kontrollin dhe ka dalë nga rruga, ku për pasojë ka gjetur vdekjen. Grupi hetimor ndodhet në vendngjarje dhe po punon për sqarimin e plotë të shkakut dhe rrethanave të ngjarjes” – thuhet në njoftimin zyrtar të policisë.