Ish-ministri i Drejtësisë, Ylli Manjani ka komentuar deklaratën më të fundit të kryeministrit Edi Rama për mbylljen e nismës ‘Ballkani i Hapur’. Me nota ironie ai shprehet se komandantit i paskan ardhur mend, pavarësisht se kjo kthesë mund të jetë bëre edhe me pahir nga ‘dajaku’ që mund t’i kenë dhënë ndërkombëtarët.
Postimi:
Aaaa qenka kujtuar për Procesin e Berlinit komandanti.
Mirë që i erdhën mend!
(Më duket se e kanë zënë pick dhe ja kanë sjellë mend me pahir. Sikur nuk iu bë shumë reklamë takimit me Ursulën. Të ketë marrë ndonjë dajak turinjve komandanti?)
Sidoqoftë, Proçesi i Berlinit është një koncept që neve dhe gjithë Ballkanit jo BE na intereson shumë. Shndërrimi i hapësirës ende jo në BE si hapësirë ekonomike e BE, është në interesin tonë më të mirë.
Shihni me vemendje sa zbutje tensionesh ka sjellë lëvizja pa viza. Imagjinoni sa pak tensione do ketë nëse territoret tona bëhen gradualisht hapësirë lëvizje mallrash e kapitalesh pa asnjë barrierë me BE.
Imagjinoni që ne të prodhojmë për BE dhe të konsumojmë nga BE pa barriera dhe me cilësi e standard të lartë.
Prandaj proçesi i Berlinit për ne është jetik.
Por Berlini kërkon marrëdhënie të mira me fqinjët, veçanërisht me fqinjët anëtarë të BE. Pa ato Proçesi i Berilinit nuk ka kuptim. Se ja e provoi udhëheqësi të konkurrojë me Ballkanin e Hapur, dhe ja si u katandis, i dhjerë por krenar.
Mirëpo që të kemi marrëdhënie të mira me fqinjët anëtarë të BE, duhet ta kemi mirë me veten, me demokracinë e shtetin ligjor.
Le ta fillojmë me arrestimin e paligjshëm, anti-demokraci, anti-kushtetetutë e anti-europë të Belerit….
Se edhe po të duam ta harrojmë ne, s’të lë BE-ja tashmë.?
****
Gjithmonë kjo llogjikë vlen nëse e duam anëtarësimin në Procesin e Berlinit dhe në BE
Discussion about this post