Në një intervistë për mediat, deputetja e Partisë Demokratike, Jorida Tabaku ka folur për skandalin e inceneratorëve. Tabaku tha se situata që po kalon Partia Demokratike as nuk e cenon dhe as nuk e prek skandalin e inceneratorëve, si dhe atë të publikimit të të dhënave, përfshi edhe pagat e mijëra shqiptarëve.
Duke folur për inceneratorët, Tabaku tha se Mirel Mërtiri, që sot është në kërkim, ka pasur një mbrojtje politike nga ana e qeverisë, për ta penguar punën e komisionit.
“Por që pas arrestimit të zotit Lefter Koka, e kam pasur të pamundur që të organizoj një mbledhje të komisionit hetimor, jam përpjekur për disa ditë më radhë me zëvendës kryetarin e këtij komisioni, zonjën Ermonela Felaj dhe mbasi kisha rënë dakord që ta thërrisnim në fillim të javës, më njoftoi që nuk do të vijnë më në komision, sepse e gjykojnë që parlamenti ka përfunduar, ndërkohë që parlamenti përfundoi dje aktivitetet e fundit, komisioni i ekonomisë ishte i fundit që e mbylli.
Komisioni hetimor ka qenë në fazën e tij të parë përgatitore, mbledhjen e informacioneve. Ne për çdo gjë kemi debatuar në atë komision, duke filluar që nga rregullorja, për çdo shkresë që është nisur, për çdo informacion që ne kemi kërkua, për informacionin nga sistemi bankar kemi pasur përballë mazhorancën, e cila ka ardhur me justifikimet dhe arsyetimet që ka edhe kocisionari, Mirel Mërtiri, që sot është në kërkim dhe ka pasur një mbrojtje politike nga ana e qeverisë, për ta penguar punën e komisionit. Por që pas arrestimit të zotit Lefter Koka, e kam pasur të pamundur që të organizoj një mbledhje të komisionit hetimor, jam përpjekur për disa ditë më radhë me zvendës kryetarin e këtij komisioni, zotnjën Ermonela Felaj dhe mbasi kisha rënë dakord që ta thërisnim në fillim të javës, më njoftoi që nuk do të vijnë më në komision, sepse e gjykojnë që parlamenti ka përfunduar, ndërkohë që parlamenti përfundoi dje aktivitetet e fundit, komisioni i ekonomisë ishte i fundit që e mbylli” – tha Tabaku, duke komentuar në këtë mënyrë bllokimin e punës së Komisionit Hetimor nga socialistët.
Më tej ajo tha se situata në PD nuk e cenon dhe as nuk e prek në mënyrë absolute skandalin e inceneratorëve dhe skandalin e publikimit të të dhënave personale. Sipas saj, këto janë dy skandalet më të mëdha të qeverisë dhe që duan t’i mbyllin .
“Këto janë dy skandalet që qeveria është duke u përpjekur që të mbyllë tashmë. Ajo që ndodh me Partinë Demokratike, sigurisht që lidhet me Partinë Demokratike, por as nuk e cenon, as nuk e prek, në mënyrë absolute skandalin e inceneratorëve dhe skandalin e publikimit të të dhënave personale, që në fakt tregoi mënyrën më të mirë se si funksionon shteti dhe tregoi që fatkeqësisht ai i të dhënave personale dhe invceneratorëve, që fatkeqësisht zgjedhjet u blenë e u vodhën dhe tregoi gjithnjë dhe më shumë që Partia Demokratike ka pasur të drejtë. Sigurisht që kemi një diskutim Në Partinë Demokratike dhe ne nuk e mohojmë dot dhe nuk themi dot që asgjë s’po ndodh dhe nuk i mbyllim dot sytë, por kjo nuk na ka penguar ne që të flasim, të vazhdojmë të denoncojmë, edhe të merremi me qeverinë. Për atë na kanë votuar njerëzit në fund të ditës” – u shpreh Tabaku.
Discussion about this post