Ditën e sotme kryeqyteti është përfshirë nga reshje shiu, të cilat nuk kanë qenë intensive. Megjithatë kanë mjaftuar vetëm pak minuta që ato të përmbysin disa rrugë e trotuare të kryeqytetit.
Tashmë e dimë që përmbytjet në Tiranë janë kthyer në një problem konstant jo vetëm në periferi por edhe në qendër. Në pamjet e siguruara nga Gijotina.com shihet sesi brenda 5 minutave trotuaret janë përmbytur duke krijuar vështirësi në qarkullimin e këmbësorëve dhe biçikletave.
Ky është një problem që përsëritet çdo vit dhe asnjë masë nuk është marrë nga kryetari i Bashkisë Erion Veliaj, i cili e ka kthyer në zakon të përgënjeshtrojë papërgjegjësitë ndaj qytetit.
Rrjeti i kanalizimeve të qytetit është tejet i amortizuar. Administrata përgjegjëse ka shpenzuar me miliona euro për ujësjellës kanalizimet e Tiranës, por pa rezultat, sepse një pjesë e mirë duket qartë që ka shkuar në xhepat e tyre dhe jo në përmirësimin e rrjetit, kjo del ne pah sa herë bie pak shi në qytet.
Shihni fotot më poshtë të cilat kanë mbërritur në redaksinë e Gijotinës nga një qytetar.
Discussion about this post