Miriam Cani është padyshim një nga artistet më të dashura për publikun. E kompletuar dhe e kuruar në çdo detaj, Miriam ka bërë për vete zemrat e ndjekësve që në hapat e saj të parë. E ftuar në “Pardon My French” në Top Albania Radio me Jonida Aliçkollin dhe Elona Duron, Miriami tregoi gjithçka, duke nisur nga fillimet e karrierës, ndalesa dhe planet për të ardhmen.
“E kam nisur në Gjermani. Kur isha 17 vjeç mora pjesë në audicionet e ‘Pop Stars’. Ajo zgjati rreth 6 muaj, pastaj në vitin 2003 u bëra pjesë e grupit ‘Preluders’ dhe që aty nuk u ndala. U bën 20 vite gati. Këtu në Shqipëri është një treg shumë ndryshe dhe unë e nisa ndryshe karrierën time. I kam parimet e mia të theksuara, qëndrova aty ku ndihesha unë më mirë,” – u shpreh ajo sa i takon hapave të parë.
Ndërkohë, përzgjedhja në produksione muzikore ka ardhur pikërisht prej përkushtimit ndaj dy fëmijëve, Ameli dhe Duam. Ajo tha se shpesh herë flet me Albanin dhe bëhen nostaligjik ndaj viteve të para. Sa i përket muzikës nuk bën kompromise dhe zgjedh të publikojë pikërisht këndë të cilat i shijon dhe i japin emocion pë t’u ndier ajo mirë e me energji pozitive.
Ajo tregoi ekskluzivisht në “Pardon my French” se pas këngës “Zemër përmbi zemër” do të sjellë shumë shpejt një këngë ku ka emocion dhe lidhet me gjithçka të sajën. Do të jetë një ninullë shumë e ndierë kur çdo prind do të gjejë veten dhe do të jetë një dedikim shumë i ëmbël për fëmijët e tyre.
Në fund të intervistës, Miriam na zbuloi dhe disa detaje nga jeta e saj me Albanin dhe fëmijët. “Është një dashuri si çdo dashuri tjetër. Dhe ne kemi debatet tona, zënkat tona, 90% janë për sa i përket Amelisë dhe Duamit. Ne kompensojmë shumë mirë njëri-tjetrin. Unë kam disa gjëra ku Albani ndihet i sigurt dhe anasjelltas”.
Artistja Miriam Cani, gjithashtu na zbuloi se në të ardhmen e afërt kanë në plan të bëjnë një ‘tour’ në Amerikë së bashku me bashkëshortin e saj Alban Skënderaj. “Do të bëjmë një ‘tour’ koncertesh në Amerikë së shpejti të dy së bashku e kemi në plan por deri tani kanë qenë prioritet fëmijët”.
Discussion about this post