Ish-kryetarja e Partisë së Lirisë, Monika Kryemadhi, është paraqitur këtë të hënë në SPAK në zbatim të vendimit të gjykatës për masën e sigurisë “detyrim paraqitje”.
Pasi doli nga ambientet e SPAK ajo ka përshëndetur edhe gazetarët.
“Grupi mirupafshim, po nuk u pamë, vitin tjetër”, dëgjohet të thotë Kryemadhi.
Më 28 korrik, SPAK njoftoi mbylljen e hetimeve dhe dërgimin për gjykim të çështjes penale kundër ish-presidentit Ilir Meta dhe ish-bashkëshortes së tij, Monika Kryemadhi, të akuzuar për veprat penale të korrupsionit dhe pastrimit të parave.
Sipas SPAK, Meta i cili prej më shumë se një viti ndodhet në burg akuzohet për korrupsion pasiv në tre raste, dy prej të cilave në bashkëpunim. Ish-bashkëshortja e tij, Monika Kryemadhi është marrë e pandehur për korrupsion pasiv në dy raste të kryera në bashkëpunim.
Discussion about this post