Mish pule me salmonelë/ Drejtori i AKU justifikohet me paturpësi: Shokon me deklaratën

Drejtori i Menaxhimit në AKU, Martin Jorgaqi, foli në emisionin “Open” në News24 për skandalin e ushqimeve të kontaminuara me salmonelë.

Me një papërgjeshmëri të theksuar, ai thotë se AKU ka një rol kontrollues, jo bllokues, dhe justifikohet me paturpësi se raste të tilla ndodhin edhe në vende të tjera.

Sipas tij, AKU ka ndjekur procedurat e njëjta si ato të Bashkimit Europian dhe nuk ka pasur ankesa nga konsumatorët deri tani.

Misioni i Autoritetit Kombëtar të Ushqimit është garantimi i sigurisë dhe cilësisë së ushqimeve, por mesa duket, për Martin Jorgaqin rëndësi ka si të gënjejnë bukur shqiptarët.

Drejtor i menaxhimit në AKU, Martin Jorgaqi: Ushqimet e kontaminuara ndodhin edhe në botë. AKU ka rol kontrollues dhe jo bllokues. Produktet janë jetëgjatësi të ndryshme. Në rastin konkret, Autoriteti i Kombëtar i Ushqimit kryen të njëjtat procedura që kryen në vendet e BE-së. Vinte nga Brazili salmonela, sepse është një shpërndarës i mishit në nivel global.

Nuk rezulton se ka sasi të këtij mishi në treg, edhe në gjurmueshmërinë që kemi bërë për subjektet që kanë marrë këtë produkt. 2.6 ton salmonelë mund edhe të jetë konsumuar. Kemi pasur kontakte me Institutit e Shëndetit Publik dhe s’kemi pasur raportime nga konsumatorë.