Misioni i ODIHR që ka mbërritur në Tiranë prej 1 Prillit në raportin e parë për fushatën zgjedhore të 11 Majit e përshkruan ate si të qetë. Debatet më të ashpra sipas tij kandidatët dhe subjektet zgjedhore po i zhvillojnë në rrjetet sociale.
Sulmet personale midis udhëheqësve të partive kryesore misioni i vlerëson të zakonshme për realitetit shqiptar, përfshirë akuzat e ndërsjella për korrupsion dhe lidhje me krimin e organizuar.
Partitë më të vogla siç i kanë pohuar vetë vëzhgueseve do të vazhdojnë të përqëndrohen në forma më të vogla si aktiviteteve derë më derë dhe në rrjetet sociale, edhe pse në dokument vihet re se dhe në këto të fundit këto subjekte janë më pak aktive se dy partitë e mëdha.
Në dokument bën dhe një raportim për temat kryesore që trajtohen nga subjektet në garë nga ato për anëtarësimin në BE, ekonominë dhe luftën kundër korrupsionit te Partise socialiste në pushtet tek akuzat e PD për keqpërdorim të burimeve shtetërore, blerje votash dhe krime të tjera zgjedhore.Në raportin e tij të parë ODIHR përshkruan dhe ecurinë e procesit të votimit nga jashtë vendit që cilësohet nga të gjithë aktorët si hap historik.
Discussion about this post