Kryeplaku i Kelmendit, Preke Vata ka treguar detaje nga ngjarja ku një avion i vogël u rrëzua në një zonë në këtë fshat, pas një defekti teknik.
Vata tha se avioni, brenda të cilit mendohet se kanë qenë 2-3 persona në bordin e tij, ndërkohë që i pari që mbërriti në vendin e ngjarjes pasi ai ra ishte një bari. Vata tha se personat që ndodheshin në avion i kishin kërkuar bariut që të largoheshin prej aty, ndërsa ata ka shkuar që t’i merrte një fuoristradë.
“Kam informacion. E mora informacionin nga banorët e lagjes dhe barinjtë. Aty afër nuk ka pasur njeri. S’ka shtëpi afër. Ky avion ka ardhur rreth orës 9 ose 9 e çerek. Është ulur në atë zonë, në lagje të Velipojës. Kanë pushuar nja gjysmë orë dhe kanë tentuar që të ikin nga kanë ardhur dhe kanë pësuar defekt, dhe kanë rënë në një livadh. Banorët kanë ndjerë si punë granate (zhurmë) i pari erdhi një çoban. Erdhën dhe disa të lagjes. Kanë parë disa njerëz aty, dy njerëz dhe nuk i kanë lënë të të afrohen. Aq thonë, se më afër nuk i kanë lënë të afrohet. Njëri fliste shqip. Më pas erdhi fuoristrada. Mos u afro këtu. Mos u afro as një hap më këtej, largohu!. Në zonë kanë qëndruar rreth 30 minuta. Në atë moment kanë qenë larg. Tërë verës vinin turistë dhe zbrisnin me parashutë. Jam duke pritur policinë këtu që të vijë. Nuk jemi aty afër”- shprehet kryeplaku i fshatit Kelmend.
Kreu i Bashkisë së Malësisë së Madhe, Tonin Marinaj tha për avionin që u rrëzua në zonën e Kelmendit se një fuoristradë ka ardhur dhe i ka marrë dy personat që ishin brenda tij dhe se ata nuk kanë pësuar lëndime përderisa janë larguar nga vendngjarja.
Marinaj theksoi se dy personat flisnin shqip dhe se për punë minutash policia do jetë në vendin e ngjarjes për të zbardhur rrethanat e plota.
“Kam komunikuar me kryeplakun e fshatit, i cili është 50 metra larg avionit. Avioni ka bërë ulje të detyruar në livadh, ka tentuar të ngrihet dhe nuk ka mundur.
Një furiostradë dhe tani verifikimet do ti bëjë policia për të zbardhur ngjarjen. Ata kanë qenë në gjendje të mirë shëndetësore përderisa janë larguar nga vendgjarja dhe po ashtu flisnin shqip . Janë bjeshkë, për 5 minuta banorët mund të shkojnë në këmbë deri aty, nuk është zonë e banuar.
Ka ardhur një mjet që ka ardhur i ka marrë dy personat. Nuk kam dëgjuar një rast të tillë ndonjëherë.
Për pak minuta policia do të jetë në vendngjarje për të parë se kujt i përket ai helikopter”- u shpreh Marinaj.
Ndërkohë, edhe policia e Shkodrës reagon për rrëzimin e avionit të vogël në Vermosh të Malësisë së Madhe.
Policia njofton se avioni ka rënë në kufirin ndarës ndërmjet Shqipërisë dhe Malit të Zi (vendi i papërcaktuar).
