Profesori i kriminalistikës Ervin Karamuço ka deklaruar ditën e sotme se diçka tjetër mund të fshihet pas vdekjes së tregtarit polak Andrzej Izdebski. NGa këqyrjet e para, duket se ka ndërruar jetë si pasojë e një arresti kardiak, por eksperti thotë se autoritete duhet të hetojnë më tej. Kjo pasi, sipas tij, ato që në dukje janë vdekje nga shkaqe natyrale mund të jenë të shkaktuara. Karamuço tha gjatë një interviste televizive se qeveria nuk ka bërë transparencë në lidhje me këtë lajm, por shtoi se gazetarët investigativë në Poloni po hedhin dritë mbi detaje të pazbuluara deri më tani.
“Por edhe këto duhen parë mirë sepse mund të bëhen që të duket natyrale. Nga dëshmitë e para është folur edhe për gjurmë gjaku. Kush e ka shkaktuar? Një profil i tillë i lartë, si e gjente veten kaq komod ky njeri kur kërkohej nga shteti polak për abuzime…kush e strehonte, kush e mbronte, për çfarë ka ardhur në Shqipëri dhe pse ka ardhur sërish?”
Ervin Karamuço theksoi se duhet hetuar për të parë deri ku ishte i shtrirë aktiviteti i tij, si disa vite më parë, si tani.
“Se di në ç’pikë ka qenë bashkëpunimi me ish drejtues… Nuk faktoj dot se çfarë lloj bashkëpunimi ka qenë. A për shitje armësh, aspiratorëve, i përket shtetit shqiptar që të hetojë edhe mbi rolin dhe aktivitetin e tij në Shqipëri. A ka pasur abuzime apo jo. Për të parë deri ku është shtrirë aktiviteti tij, si vite më parë, si tani”, theksoi ai.
Discussion about this post