Më shumë se një muaj nga vdekja e mistershme e 4 turistëve rusë në Kavajë, sot dhe nesër pritet që ndërhyrja e ushtrisë të gjejë shkakun e ngjarjes.
Nga ekspertiza paraprake e kryer ka rezultuar se rusët nuk kanë patur ndonjë reaksion apo helmim nga ushqimi që mund t’u shkaktonte atyre vdekjen. Ndonëse është përcaktuar zyrtarish nga institucioni përkatës, eskpertiza e humbjes së jetës të 4 turistëve rus, Prokuroria ka kërkuar hetime të mëtejshme duke thirrur Shërbimin Sekret të Ushtrisë, me qëllim për të kryer një eksperiment hetimor në të njëjtat kushte që ka ndodhur ngjarja. Ku përmes këtij eksperimenti do të duhet të provohet nëse dioksidi i karbonit, është shkaktuar në ajër si pasojë e keqfunksionimit të kaldajës në hotel dhe mungesës së sistemit si duhet të ventilimit, apo për arsye të tjera. Ky eksperiment pritet të përcaktojë përfundimisht shkakun e vërtetë të vdekjes së 4 turistëve rusëve, për t’i dhënë fund misterin që kjo tragjedi mbart.
Sergei Burenkov, gruaja e tij, vajza dhe dhëndri, humbën jetën në mënyrë të mistershmë mbrëmjen e 15 tetorit 2021, në pishinën e mbyllur të hotelit ‘Gloria Palace’.
Discussion about this post