Aleksandër Zaka, 51 vjeç, u ekzekutua me një plumb në kokë, teksa ishte ulur në karrige, në oborrin e banesës së tij në ishullin Salamines, pranë Athinës.
Viktima u gjet nga një tjetër emigrant shqiptar, i cili njoftoi policinë.
E gjithë ngjarja është e mbulur me mister për faktin se Zaka kishte 15 vjet që nuk ishte kthyer në Shqipëri, ndërkohë që nuk ka pasur precedentë penalë qoftë në vendlindje ashtu edhe në Greqi.
Një ditë pas ngjarjes, mediat lokale publikuan fotografinë e personit me iniciale F.P, nga Lezha, që gjeti të pa jetë 51-vjeçarin, duke theksuar se vrasja ka ende shumë pyetje pa përgjigje.
Viktima i cili ishte nga Lushnja, nuk kishte shkelur në Shqipëri përgjatë 15 viteve të fundit.
“Revista e Athinës” shkruan se Zaka nuk kishte asnjë precedent kriminal të regjistruar në Shqipëri apo Greqi.
Ai është qëlluar me armë në kokë në banesën e tij nga një person që u largua menjëherë nga vendi i krimit.
Policia greke duket se ende nuk ka një pistë mbi ngjarjen e rëndë apo persona të ndaluar si të dyshuar për vrasjen e 51-vjeçarit shqiptar.
Discussion about this post