“Në shtëpinë e të rrezikshmi Çalamani nuk është gjetur asnjë njollë gjatë”, kështu ka pretenduar halla e 8- vjeçarit Mateo Vasia.
“Sipas dyqanit të bukës, Mateo nuk ka shkuar për të blerë bukë. Ne nuk kemi gjetur asnjë lloj njolle gjaku në shtëpinë e Çalamanit dhe dyshojmë se ai nuk ka qenë vetëm”, tha halla e 8-vjeçarit.
Po ashtu djegia e shtëpisë së të rrezikshmit Klodian Çalamani në 25 nëntor, e ka bërë më të vështirë gjetjen e provave që të çojnë në zbardhjen e krimit makabër, me viktimën e pafajshme Mateo Vasia.
Pamjet filmike pak para se të shkrumbohej banesa e Çalamanit, kanë kapur dy të rinj. Identifikimi i këtyre personave nuk është bërë ende, ndërsa nuk dihet ende nëse personat në fjalë janë porositur për t’i vënë flakën banesës apo e bënë nga në shenjë revolte për krimin makabër të vrasjes së Mateo Vasia.
Në një prononcim për mediet halla e të miturit është shprehur se nuk i njeh dy personat, ndërsa ka shtuar se nuk mund të hidhet baltë pa prova mbi familjarët të cilët po e vuajnë dita ditës, mos zbardhjen e këtij krimi.
“Nuk mund të hedhësh baltë pa prova mbi ne. Nuk i njohim personat në video”, ka thënë ajo.
Ndër të tjera, halla e viktimës vazhdon të ketë dyshime se në këtë ngjarje monstruoze Çalamani nuk ka vepruar i vetëm, megjithëse nuk kanë asnjë provë ku mund ta bazojnë këtë pretendim. Për këtë arsye familjarja e Mateos i drejton gishtin drejtësisë dhe organeve kopetente për ta zbardhur sa më shpejt këtë ngjarje.
“Dyshoj se Klodian Çalamani s’ka vepruar i vetëm, Nuk kemi fakte por dyshojmë. Të merren organet kopetente ta zbardhin”, ka treguar ajo.
Discussion about this post