Një 27 vjeçar shqiptar është plagosur me plumb në kokë brenda një apartamenti në Santo Cantone (Catania) në Itali. Ngjarja ka ndodhur rreth orës 14:50 të ditës së premte.
Ngjarja është e veshur me mister, për shkak se brenda apartamentit është gjetur edhe një person tjetër po i plagosur, i cili ka tentuar të arratiset përmes ballkonit, duke lënë gjurmë të dukshme gjaku në muret jashtë ndërtesës.
Italiani i plagosur, një 40-vjeçar është në gjendje më pak të rëndë se shqiptari.
Në vendngjarje u gjet një armë, megjithatë policia dyshon se mund të jetë përdorur më shumë se një.
Nga raportimet mësohet se shqiptari është transportuar në spitalin Garibaldi-Nesima.
Apartamenti nuk është i regjistruar në emër të asnjë prej personave të plagosur, por të një personi të tretë që është gjithashtu me kombësi italiane.
Ndër pistat që po shqyrtohen nga prokurori është edhe ai i një mosmarrëveshjeje të mundshme lidhur me strehimin.
Discussion about this post