Një 27-vjeçare është zhdukur në ishullin Kos në Greqi, ndërsa ajo punonte në restorantin e një hoteli.
Vajza është identifikuar si Anastasia Rubinska dhe nëna e saj beson se 27-vjeçarja është rrëmbyer. Për ngjarjen është arrestuar si i dyshuar një 32-vjeçar nga Bangladeshi.
Gjurmët e Anastasias kanë humbur që nga e hëna e 12 qershorit. Vajza kishte kontakte të rregullta me familjen e saj. Të dielën në mbrëmje ajo foli me nënën e saj në telefon. Ky ishte edhe komunikimi i tyre i fundit. Që nga e hëna, telefoni i 27-vjeçares është joaktiv.
Sipas provave paraprake, shtetasi nga Bangladeshi dyshohet se ka përfituar nga gjendja e dehur e të resë, e ka përdhunuar dhe më pas e ka rrëmbyer.
Ai ka treguar para autoriteteve se ka kryer marrëdhënie seksuale me Anastasian brenda dëshirës së saj dhe më pas e ka lënë në një ambient të jashtëm pranë shtëpisë së tij dhe është larguar.
Mirëpo, siç rezultoi, pas një hetimi të Policisë, në pikën e treguar nga bangladeshasi nuk u gjet asnjë gjurmë e vajzës , ndërkohë që as kamerat që ndodheshin aty nuk kishin asnjë lëvizje.
Dronët dhe qentë e trajnuar posaçërisht po “krehin” zonën për të gjetur ndonjë provë që do të çojë në identifikimin e të resë nga Polonia.
Ndërkohë, partneri i vajzës i cili ishte në dijeni që e dashura e tij ishte në gjendje të dehur i ka gjurmuar telefonin dhe nga momenti që ai kishte komunikuar me atë, brenda pak minutash vendndodhja kishte ndryshuar.
I bërë merak për situatën, polaku ka lajmëruar policinë për të denoncuar zhdukjen e saj.
Discussion about this post