Kryeministri i rizgjedhur i Greqisë, Kyriakos Mitsotakis, ka zhvilluar një bisedë telefonike me liderin turk, Recep Tayyip Erdogan, i cili e ka uruar për fitoren në zgjedhje.
Vetëm 24 orë pas fitores së madhe elektorale të Demokracisë së Re dhe zgjedhjes së Kyriakos Mitsotakis kryeministër për katër vitet e ardhshme, Rexhep Tajip Erdogan pati një telefonatë me të, për ta uruar.
Presidenti turk ishte një nga liderët e huaj që preferoi komunikimin e drejtpërdrejtë me kryeministrin grek dhe jo thjesht një mesazh formal në rrjetet sociale, duke treguar kështu se janë bërë disa hapa për të “thyer” akullin mes dy palëve.
Në fakt, siç njofton zyra e shtypit e kryeministrit, Kyriakos Mitsotakis dhe Rexhep Tajip Erdogan ranë dakord që takimin e tyre të parë ta kenë në prag të Samitit të NATO-s.
Kjo do të bëhet në Vilnius të Lituanisë më 11 dhe 12 korrik dhe atje kryeministri grek dhe presidenti turk do të kenë mundësinë të flasin ballë për ballë për herë të parë pas një kohe të gjatë.
Discussion about this post