Nënkryetari i Partisë së Lirisë, Petrit Vasili ka reaguar në lidhje me një tender të qeverisë sa i takon akomodimit të mjekëve turk që janë pjesë e spitalit Mermorial në Fier, ku shifra që po përflitet është mjaft e lartë.
Bëhet fjalë për rreth 1.2 milionë euro që përdoret për akomodimin në hotele të punonjësve turq, ndërsa Vasili e cilëson si skandal.
Sipas tij, shteti shqiptar vetëm për vitin 2023 do të paguajë 1.2 milionë euro vetëm për hotelin e mjekëve turq si dhe shpenzimet për të gjithë përfitimet e tyre.
Ndër të tjera, Vasili shkruan se qeveria nuk paguan mjekët shqiptarë të cilët mbajnë të gjithë ngarkesën e shërbimit mjekësor publik, por gjen para për mjekët turq.
Postimi i Vasilit:
SKANDALI! 1.2 milion euro per hotelet e mjekeve turq ne Fier!
Edi Rama u shqye duke thënë Spitali turk Memorial në Fier ishte dhuratë e paparë, etj pallavra propagandistike si këto.
Por Shteti shqiptar vetëm për vitin 2023 do të paguaje 1.2 milion euro vetëm për hotelin e mjekëve turq si dhe shpenzimet për të gjithë perfitimet e tyre po përballohen nga buxheti shume varfër i shtetit shqiptar.
Ne vitin 2022 kanë paguar 340 mijë euro për hotelet e mjekëve turq, pra shpenzimet rriten në mënyrë marramendëse.
Pra një mjek turk na kushton qimet e kokës në raport me nje mjek specialist shqiptar që bën të njëjtën punë.
Rama dhe qeveria nuk kanë para’ dhe nuk paguajne mjekët shqiptare, të cilët mbajnë të gjithë ngarkesën e shërbimit mjeksor publik të qindra mijra pacientëve shqiptarë dhe i detyrojnë ata të largohen nga vendi.
Rama paguan miliona për hotelet dhe përfitimet e mjekëve turq, të cilet në raport me ngarkesën e përgjithshme të patologjisë së trajtuar në nivel kombëtar mbulojne nje peshë minimale.
Çfare kryeministri dhe çfare qeverie batakçinjsh!
Discussion about this post