Shëndetësia në Shqipëri, mbetet një problematikë. Largimi i mjekëve në kërkim të një pune më të mirë, ku edhe pagesa natyrisht është shumë më e lartë, është kthyer në një shqetësim konkret në vend. Po ashtu raportet më të fundit të OKB, hedhin poshtë deklaratat e vazhdueshme të qeverisë për një shëndetësi falas, pasi në këto raporte theksohet se shqiptarët janë të detyruar të paguajnë nga xhepi për shëndetin e tyre.
Por, kryeministri Rama duket se edhe largimin e mjekëve nuk e shikon si shqetësim, pasi tashmë e ka gjetur zgjidhjen, zëvendësimin e tyre me robotë.
Kryeministri, Edi Rama, është shprehur këtë të premte, se po punon me Ministrinë e Shëndetësisë për të sjellë robotët në Shqipëri për të kryer operacionet shëndetësore.
“Do vazhdojmë ta pajisim me aparaturat më të fundit. Po punojmë me ministren për të sjellë robotë për operacionet që është një tjetër shkallë. Besoj shumë që kemi arsyet të ndihemi të inkurajuar dhe optimist, dhe pa diskutim që tani më shumë sesa dje, kur e thoshim që shumë gjëra duheshin bërë për ta besuar, kemi shumë realitet për ta besuar plotësisht se Shqipëria e 2030 do jetë një vend me shërbim shëndetësor që do u krijojë shqiptarëve kushtet psikologjike të plotë për të mos shkuar jashtë, përveç rasteve kur ka nevojë për operacione të super specializuara”, tha Rama.
Discussion about this post