Së fundmi, është vënë re se mjekët dhe infermierët janë larguar nga Shqipëria për shkak të niveli të ulët të pagave në punë të ndryshme. Kur bëhet fjalë për mjekët e huaj, qeveria nuk kursehet.
Kujtojmë se një vit më parë u inaugurua Spitali i Fierit, një investim i mundësuar nga qeveria turke. Së bashku me investimin në këtë spital do të punësoheshin edhe mjekë e infermierë turq.
Stafi turk i spitalit përfiton shpërblime mujore nga qeveria gati trefishi i pagës së mjekëve dhe infermierëve shqiptarë të spitalit të ri.
Euronews Albania ka krahasuar diferencën mes pagës së punonjësve shqiptarë dhe shpërblimit që i jepet stafit turk.
Në bazë të të dhënave, një mjek turk merr 305 mijë lekë, kryeinfermieri 227 mijë dhe infermieri 181 mijë. Ndërsa një mjek shqiptar merr 80 mijë lekë, kryeinfermieri 56 mijë lekë dhe infermieri 53 mijë.
Stafi turk nuk i kushton vetëm shpërblimet shtetit shqiptar, po ai ka hapur tender për akomodimin e stafit. Lidhur me këtë çështje 300 mijë euro do t’i kushtojë shqiptarëve fjetja dhe një vakt i stafit turk për një vit.
Sipas kontratës së publikuar maksimumi i personave që do flenë në hotel do të jetë maksimumi 38 individ.
Gjithashtu, sipas “Open Data”, Spitali i Fierit ka shpallur deri më tani 25 tenderë për blerje medikamentesh dhe materialesh mjekësorë por 12 prej tyre janë me fitues.
Vlera e këtyre tenderëve është rreth 400 mije euro. Ndërsa, nga ana tjetër vlera më e madhe e parave të tenderuara nga ky spital janë për karburant rreth 600 mije euro, 700 mijë euro për lavdërinë dhe 300 mijë të tjera për ushqimin.
Discussion about this post