Në një intervistë për mediat, Mjeku Erion Dasho duke folur për situatën e Covid-19 në Shqipëri, tha se vaksinimi në Shqipëri ka pësuar disa goditje që mund të ishin shmangur.
Ai tha se duhet të përdoren vetëm vaksina që përdoren vetëm nga EMA dhe FDA, si dhe se qeveria i la në mëshirë të fatit shqiptarët të cilët u mbyllën në shtëpi si spitale.
“Vaksinimi në Shqipëri ka pësuar disa goditje që mund të ishin shmangur. Problemi me coronavax është që EMA dhe FDA që janë organizma prestigjiozë, nuk e kanë njohur këtë vaksinë. Një gjë e tillë vendos një pikëpyetje lidhur më këtë vaksinë. Ne jemi munduar që të bëjmë apel që të përdoren vetëm vaksina që përdoren vetëm nga EMA dhe FDA. Sigurisht ka ndikuar edhe lëvizja konspiracioniste dhe në vendin tonë ka pasur ndikim, sepse ka pasur një mungesë besimi nga qytetarët te qeveria. Qeveria i la në mëshirë të fatit shqiptarët të cilët u mbyllën në shtëpi, nuk u rregullua tregu, ku testi akoma kushton shumë në raport me vendet e tjera” – është shprehur Dasho.
Veprim të gabuar të qeverisë, Dasho e quan edhe vaksinimin me detyrim të disa pjesëve të popullatës.
