Avokati i Gerti Shehut që goditi me grusht Sali Berishën ka deklaruar se akti i ekspertimit psikik për klientin e tij do të jetë përcaktues për procesin. Sipas Ervis Lilës, i riu kurohej dhe recetën ia kishte dhënë mjeku.
“Ai vazhdon të jetë në spitalin e Traumës. Do ta përcaktojnë mjekët për dëmtimet. Nuk ishte në gjendje të vinte në gjykate. Akti i ekspertimit psikiatrik do të jetë përcaktues. Ne e kemi kërkuar të zgjerim, të përfshihen edhe ekspertë të tjerë. Klienti im kurohej, ia kishte dhënë mjeku kurën. Ai ishte i pranishëm në seancë por nuk pati asnjë qëndrim. Akti i ekspertimit do të jetë shumë përcaktues, ndërkohë që prokuroria nuk ka bërë ende asnjë ekspertimi”, tha avokati.
Sa i përket arsyes se pse klienti i tij e bëri gjestin avokati thotë se “Do të doja ta kisha një përgjigje. Por për mua e gjithë analiza do të bëhet pasi të bëhet ky akt ekspertimi. A e ka falur publikisht edhe Berisha? Për mua është rrethanë cilësuese”.
Discussion about this post