Mjeku Erion Dasho ka reaguar se në lidhje me situatën pandemike në vend. Përmes një statusi në Facebook ai shprehet që edhe nëse aktualisht jemi drejtë përmirësim të gjendjes, nuk mund të harrojmë kaq lehtë situatën e rëndë që kaluam dhe numrin e lartë të të vdekurve nga covid-19. Në këtë postim, Dasho shprehet se ne hyjmë në një nga vendet me vdekshmëri më të lartë në raport me 1 milionë banorë dhe për këtë e ka fajin Komiteti Teknik i Ekspertëve.
Dasho shkruan se, Komiteti Teknik nuk dëgjoi thirrjet e mjekëve për të vënë në funksion spitalet rajonale po veproi në gabim, duke shkaktuar dhjetëra të vdekur në ditë. “Kemi qenë një grup ekspertësh që vazhdimisht kemi bërë thirrje për marrje të masave të bazuara mbi evidenca. Fatkeqësisht, ministria dhe komiteti i të paaftëve vazhduan linjën e tyre të kryeneçësisë dhe masave amatoreske. Rezultati ishte fatal me mbi 16 vdekje në ditë dhe Shqipërinë të klasifikuar si një nga vendet me vdekshmërinë më të lartë në botë”, shkruan ai. Sipas Dashos, dikush duhet të mbajë përgjegjësi për humbjet e jetëve dhe shpenzimet e shumta me të cilat u përballën familjet shqiptare gjatë pandemisë.
Discussion about this post