Mjeku okulistik, Pajtim Lutaj u ka bërë thirrje gazetarëve që të investigojnë në Qendrën Spitalore Universitare “Nënë Tereza” sepse mungojnë medikamentet e nevvojshme që u duhen pacientëve kur shtrohen aty.
Në një status në Facebook, Lutaj shkruan se në QSUT mungon çdo gjë, organizimi, drejtimi, planifikimi dhe shërbimi.
Sipas Lutajt, Ministria e Shëndetësisë Ogerta Manastirliu në të vërtetë është vetëm e rrjeteve sociale, pasi edhe punësimet e okulistikëve bëhen në vende ku nuk janë aspak të nevojshme, duke lënë zona të tëra pa okulistikë.
Denoncimi i plotë:
SOS QSUNT Tiranë. Një gazetar ka zbuluar se në QSUT nuk ka “sevelamer”, një nga milona gjërat qe mungojnë në spitalet tona, bëjnë lajme dhe interviston familjarët…. Si ka mundësi që medja merret me gjurmët dhe nuk shef ujkun? Po në QSUT mungojnë shumë gjera… për ilaçet mos pyet pacientët e shkretë që kot se shtrohen në spital se paguajnë çdo gjë nga xhepi, por mjafton të marësh nje informacion zyrtar, ne shërbimet e QSUT-së. Kërkoni listën e medikamenteve që kane hyre ne sherbim per muajin e fundit dhe do te shifni se në shërbimin e okulistikës ka muaj dhe vite që nuk hynë asnje Collyre. Collyret jane medikamentet baze dhe pacienti i shtruar i blenë vetë, pacienti i operuar iken pa u mjekuar pas operacionit ndërsa atij qe vine per vizite i përdoren Collyre te përgatitura me mjete rrethanore…. Ky është realiteti të nderuar gazetar dhe medje publike.
Në QSUT mungon çdo gjë: mungon organizimi, drejtimi, planifikimi, mjekimi, sherbimi, mungon me kryesorja formimi i mjekeve te ardhshëm, mungojne konsultat dhe vizitat, mungojne stafet dhe mbledhjet shkencore, mungon bashkëpunimi, dokumentacioni, ….. pra të dashur miq mungon sistemi, mungon çdo gjë përveçse administratës se paaftë që bëne sikur drejton po vetëm shkatërron. Shëndtësia ka vetëm Ministre të rrjeteve sociale, që me ndergjegje të plotë ka shkatërruar QSUT, i ka hequr QSUT – “u” në pra formimin universitar, ka aprovuar protokolle korruptive, ka bere emerime abuzive. Shifeni sa sherbime jane pa shef te emruar, shifeni sa procese gjyqesore vazhdojne nga katrahura qe beri Ministria… shifeni edhe aktin e fundit te emerimeve ne kliniken universitare te Okulistikë te dy mjekeve pa patur nevoje, struktura e sherbimit eshte e tejmbushur, mjeket ekzistues nuk shfrytezojne as 20 % te kapaciteteve… jo!!! ministrja le pa mjek okulist zona te tera dhe emeron ne qsut kanakarët e vet… pa pikë përgjegjsie, pa zbatuar as rregullat minimale, duke shkelur barazine dhe demokracine. Media duhet te ndihmoje QSUT-në, pacientet… Sistemin shendetësor.
