Mjeku Erion Dasho i revoltuar tregon se qeveria jonë ka bërë që qytetarët të mos kenë më besim në sektorin e shëndetësisë. Përmes një postimi në rrjetin social Facebook, ai shkruan se që në fillim të pandemisë kryeministri Edi Rama bënte propagandë dhe deklarata boshe, në vend që të ndiqet shembullin e vendeve të tjera të infektuara. Mjeku thekson se ky gabim çoi vendin tonë në shkatërrim total të sistemit shëndetësorë
“As më shumë, as më pak, këto deklaronte vjet në kulmin e pandemisë, kryeministri ynë. Ndërkohë që gjithë bota aplikonte përafrimin Testim, Gjurmim, Trajtim, “kryeshkencëtari” shqiptar i bënte jehonë të njëjtave teori konspirative që sot i promovojnë Çakot me shokë!
Nuk është çudi që besimi tek institucionet sot është zero! Nuk është çudi që në nëntor 2020 nisi një katastrofë me shëndetin dhe jetën e shqiptarëve që rezultoi në 16 mijë të vdekur”, tha ai.
Ndër të tjera ai tha se, është e turpshme që edhe pas këtij gabimi të madh që solli pasoja mbi qytetarët, politikanët tanë vazhdojnë akoma të bëjnë propagandë në vend që të kërkojnë falje. “Fatkeqësisht, ende shohim politikanë që bëjnë protagonistin, në vend që të kërkojnë falje dhe të shkojnë para drejtësisë për dëmet e pallogaritshme që shkaktuan gjatë pandemisë me paditurinë dhe, shpesh, me makutërinë e tyre”, shkruan ai, duke theksuar se gabimet e qeverisë bën që vendi ynë të merrte goditjen më të madhe nga pandemia.E.H/gijotina.com/
Discussion about this post